Tafelberg

Èn Dafèlbärg, au Mesa benamst (schbanisch mesa ‚Tisch‘), isch èn Bärg mit èrè witè Gipfelebeni, wo meischtens è Folg vo flachligendè Sedimèntschichtè isch. Sini Berghaaldè sin oft als Steilhäng uusbräägt.

Dafèlbärg hèn im Grundriss meischtens è länglichi Form, des heißt d Hochflächi hèt in ei Richtig è gringeri Uusdeenig. Tûpischi Dafèlbärg findet sich zum Byschpill im Elbsandschteigebirge sowiè i dè Fränkischè un Schwôbischi Alb sowiè im Dafèljura, wo si è Folgi vo Schichtschtufè sin.

È anderè Tûpus sin d Dafèlbärg, wo dè Gipfelflur uss èrè Lavadeggi beschtôt. Dört isch d Bärgform wènniger è Folgi vo flachè Sedimentyrig, sondern vo dè Härti vom Stei.